Ti turar i Time 2024: Tur 7, Lyefjell rundt Jan Oskar Haugen

Ti turar i Time 2024: Tur 7, Lyefjell rundt, startskilt Jan Oskar Haugen

Lyefjell rundt

Fottur, 5 km, rundtur, enkel 
Total stigning 142 m

Tilkomst

Turen startar ved Monsanut barnehage, der du kan parkera. QR-koden finn du på stolpen på tavla med info om Lyefjell, ved sidan av frisbeegolf-skiltet.

Turinformasjon

Ti turar i Time 2024: Tur 7, Lyefjell rundt, målskilt Jan Oskar Haugen

Flott rundtur i jærsk natur!

Følg gang- og sykkelveg mot nord og fortsett langs grusveg opp i heia. Turen går stort sett i greitt terreng, men det kan vera veldig blautt opp forbi Ulvatjørn. 

Det er en fin rasteplass/teltplass ved Ulvatjørn. Hugs å ta avfallet med heim att.

Frå Ulvatjørn går turen over Joglamyr til Åsen, der du går på skogsvegar. QR-koden for registrering av turen finn du i eit stikryss om lag 50 meter etter Joglamyr, på skiltet som viser at det er 1,5 km til Åsen. Turen vidare går sørover og forbi garden på Åsen. Du må igjennom tunet for å følge grusveg retur til Lye. Sjå etter blått skilt. 

Påminningar

Her og der kan det vera husdyr på beite. Derfor legg me til fem små, men viktige påminningar for at alle skal ha glede av turtilbodet:

• Vis omsyn når du parkerer, slik at du ikkje blokkerer vegen for andre
• Respekter bandtvangen
• Lukk eventuelle grindar
• Ta avfallet med heim
• Følg kuvett-reglane viss du møter kyr når du er ute på tur