Stillinga som kommunalsjef vil bli lyst ut, og planen er å fullføra rekrutteringsprosessen før sommaren.

– Anne-Kristin Gangenes har bede om å få gå over i den ledige stillinga som rådgjevar Samfunn. Ho har ei stor fagleg tyngde innanfor fagfeltet ho arbeider med, og eg vil takka for jobben ho har gjort som kommunalsjef. Når ho nå ønsker nye oppgåver, er eg glad for at ho held fram i organisasjonen vår, seier kommunedirektør Trygve Apeland.

– Eg har vore toppleiar i ulike roller i over 15 år. Det har vore spennande, utfordrande og utruleg lærerikt. Samtidig har eg lenge hatt ein kronisk sjukdom. Slik det er nå må eg gjera nokre endringar, og den ledige stillinga som rådgjevar var ein moglegheit for det. Eg er trygg på at erfaringa mi og kompetansen min vil komma til nytte i den nye rolla, seier Anne-Kristin Gangenes.

Stabssjef Reid Ivar B. Dahl er midlertidig konstituert som kommunalsjef Samfunn frå same tidspunkt og fram til ein ny kommunalsjef tiltrer stillinga.