Are M. Heiseldal
Bryne fekk bystatus i 2001, og sidan 2003 har Time kommune i samarbeid med Bryne Næringsforening og Brynes Vel årleg delt ut ein eigen byutviklingspris. Prisen er ei «påskjønning til enkeltpersonar eller firma som på ein spesiell måte har markert seg positivt i utviklinga av Bryne».
Juryen har i år bestått av Kenneth Lia, dagleg leiar Bryne Næringsforening, Olav Hetland, styreleiar Brynes Vel og Odd Ivar Nese, kommunikasjonssjef i Time kommune.
Juryen si grunngjeving:
"Årets to prisvinnarar har i mange år vore engasjert i korleis me best mogleg kan utvikla Bryne sentrum. Dei har både saman, og kvar for seg, hatt prosjekt som har vore viktige for utviklinga av byen vår.
Gjennom eit felles firma har prisvinnarane dei siste åra vore engasjert i å ta vare på, og restaurera, to av dei eldste bygga i Storgata.
“Steinslandshuset” frå 1918 og “Aarresmiå” frå 1890-talet er blant dei eldste husa på Bryne. Det er dei einaste husa som står igjen frå pionertida då Bryne vaks fra som handelsstad etter at jernbanen vart etablert i 1878.
Gjennom sitt arbeid med dei to historiske bygningane har årets prisvinnarar både teke vare på to kulturminner på ein god måte, og samtidig gitt dei nytt liv. Dette er bra for både identiteten til byen vår, og for framtida til Storgata. Den nye bruken av Aarresmia bidreg for eksempel allereie til at både innbyggarar i Time og nabokommunar kjem på besøk.
Det er ingen tvil om at årets prisvinnarar har brukt både tid, krefter og penger for å gjennomføra prosjektet, og det er heller ingen tvil om at resultatet er viktig for utviklinga av Bryne.
Byutviklingsprisen 2024 går til Smieparken AS ved Reier Carlsen og Rune Underhaug."
Tidlegare vinnarar:
2023 – Kulturbanken
2022 – Harald Gudmestad
2021 – Magnus Rommetveit
2020 – Ikkje delt ut
2019 – Brix
2018 – Høgskulen for landbruk og bygdeutvikling
2017 – Mellombels Ølstove
2016 – Brynes Vel
2015 – Arnfinn Vigrestad
2014 – Bryne kro og hotell
2013 – Ikkje delt ut
2012 – Kjøkkenet
2011 – Torjå AS ved Hans Ree
2010 – Ståle G. Haaland
2009 – Lauritz Bellesen
2008 – Alf I. Haaland
2007 – Jærdagen
2006 – Ikkje delt ut
2005 – Forum Jæren
2004 – Gunn A. Nedrebø
2003 – Reier Carlsen