Studio K inviterer igjen til Sommerverkstad for barn og unge i 2025. Verkstaden vil haldast i Møllekaféen i Bryne Mølle i Time kommune. Det er gratis å delta på Sommarverkstad i Studio K, men påmelding er nødvendig.
Send namn og alder på deltakar, ønska verkstadveke og kontaktinfo (telefonnummer og e-postadresse til deltakar/føresette) til studiok.prosjektrom@gmail.com eller på sms til 47262667.
Program:
Veke 26 – Skulptur med Sissel Ruud
Alder: 5.-8. klasse
Måndag 22. til fredag 26. juni, kl. 10.00-13.00
Denne veka arbeider deltakarane skulpturelt. Dei får utforska korleis ein kan bygga skulpturar av kartong, papir og andre liknande materiale. Her arbeider deltakarane med form, konstruksjon og romlege uttrykk, og bruker enkle verktøy som kniv og limpistol til å bygga opp tredimensjonale arbeid. På fredagen vert det utstilling av det som deltakarane har laga, og både deltakarar, familie og venner er hjarteleg velkomne til å sjå kl. 13.00!
Sissel Ruud lagar kunst av gamle serviettsamlingar frå 1930-talet og fram til i dag. Ho arbeider lag på lag, der mønster og motiv vert bygde opp og endra til nye uttrykk. Ho utforskar korleis kvardagsmateriale kan bera spor av tid og historie. Ho er aktiv biletkunstnar med ei rekke utstillingar, og har brei erfaring med kunstundervisning, blant anna frå Time kulturskule, Den kulturelle skulesekken og som kurshaldar i kollasj.
Veke 27 – Kollasj med Sissel Ruud
Alder: 3.-5. klasse
Måndag 29. juni til fredag 3. juli, kl. 10.00-13.00
Denne veka arbeider deltakarane med ulike former for kollasj, inspirert både av Sissel Ruud si eigen tilnærming – og andre kunstnarar. Deltakarane arbeider lag på lag med papir, mønster og ulike materiale, og utforskar korleis små endringar kan skapa nye uttrykk. På fredagen vert det utstilling av det som deltakarane har laga, og både deltakarar, familie og venner er hjarteleg velkomne til å sjå kl. 13.00! I samband med utstillinga vert det òg ein kunstnarsamtale med Sissel Ruud, kor me får litt meir innblikk i den spennande kunstnarskapen hennar.
Sissel Ruud lagar kunst av gamle serviettsamlingar frå 1930-talet og fram til i dag. Ho arbeider lag på lag, der mønster og motiv vert bygde opp og endra til nye uttrykk. Ho utforskar korleis kvardagsmateriale kan bera spor av tid og historie. Ho er aktiv biletkunstnar med ei rekke utstillingar, og har brei erfaring med kunstundervisning, blant anna frå Time kulturskule, Den kulturelle skulesekken og som kurshaldar i kollasj.
Veke 28 – Kreativ verkstad med Kari Ann Lending Kleiveland
Alder: 1.-2. klasse
Måndag 6. til fredag 10. juli, kl. 11.30-13.30
Under Kreativ Verkstad vil me utforska ulike materiale. Me vil blant anna ta i bruk materiale me finn ute i naturen, og gjenbruka materiale, som for eksempel tekstilar og klede som ikkje lenger brukast. Deltakarane vil få laga nye samansetnadar og eigne kunstverk av det me finn. På fredagen 10. juli kl. 11.30 vert det utstilling av det som deltakarane har laga, og både deltakarar, familie og venner er hjarteleg velkomne!
Kari Ann Lending Kleiveland (f. 1993) er ein utøvande kunstnar fødd og oppvaksen i Rogaland. Ho fullførte si Mastergrad i Kunst ved Kunstakademiet i Bergen (KMD) i 2022 og si Bachelorgrad i Kunst ved Kunstakademiet i Trondheim i 2020. Ho har òg studert kunst ved Academy of Fine Arts i Helsinki (BFA2) og Academy of the Arts i Reykjavik (BFA2). Ho studerte visuell kunst ved Kunstskolen i Rogaland (2014-2016), og kunsthistorie ved Gateway College Paris (2014). Kari Ann er utstillingskoordinator ved Fotland mølle og grunnleggar av Studio K prosjektrom og visingsstad for samtidskunst.